ತಲ್ವಾರ್ ಹಿಡಿದು ಫೋಟೋ ಹಂಚಿಕೊಂಡ ಯುವಕರು ಪೊಲೀಸ್ ಬಲೆಗೆ

ಪುತ್ತೂರು: ಕಾನೂನಿಗೆ ಧಕ್ಕೆಯಾಗುವ ರೀತಿಯಲ್ಲಿ ತಲ್ವಾರ್ ಪ್ರದರ್ಶಿಸಿದ ಇಬ್ಬರನ್ನು ಪುತ್ತೂರು ಗ್ರಾಮಾಂತರ ಠಾಣಾ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಕುರಿಯ ಗ್ರಾಮದ ಸುಜಿತ್ ಮತ್ತು ಆರ್ಯಾಪು ಗ್ರಾಮದ ಪುಟ್ಟಣ್ಣ ಬಂಧಿತ ಆರೋಪಿಗಳು.

ಈ ಇಬ್ಬರೂ ತಲ್ವಾರ್ ‌ಹಿಡಿದುಕೊಂಡು ತೆಗೆದ ಭಾವಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು.

ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು, ಬಂಧಿತ ಆರೋಪಿಗಳ ವಿಚಾರಣೆ ನಡೆಸುತ್ತಿದ್ದಾರೆ.