ಹೆರಿಗೆಯ ಬಳಿಕ ಬಾಣಂತಿ ಸಾವು.. ಬಿಮ್ಸ್ ಆಸ್ಪತ್ರೆ ವಿರುದ್ಧ ಕುಟುಂಬ ವರ್ಗದ ಆಕ್ರೋಶ

ಬೆಳಗಾವಿ: ನಗರದ ಬಿಮ್ಸ್ ಆಸ್ಪತ್ರೆಯಲ್ಲಿ ಮತ್ತೋರ್ವ ಬಾಣಂತಿ ಮೃತಪಟ್ಟಿದ್ದು, ಕುಟುಂಬ ವರ್ಗ ಆಸ್ಪತ್ರೆಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಘಟನೆ ನಡೆದಿದೆ.

ಮೃತರನ್ನು ಕೀರ್ತಿ ನೇಸರಗೆ(19) ಎಂದು ಗುರುತಿಸಲಾಗಿದ್ದು, ಇವರು ಗೋಕಾಕ ತಾಲೂಕಿನ ಲಗಮೇಶ್ವರ ಗ್ರಾಮದವರಾಗಿದ್ದಾರೆ.

ಇವರಿಗೆ ಕಳೆದ ಎರಡು ದಿನಗಳ ಹಿಂದೆ ಶಸ್ತ್ರಚಿಕಿತ್ಸೆ ಮೂಲಕ ಹೆರಿಗೆ ಮಾಡಿಸಲಾಗಿತ್ತು. ಆ ಬಳಿಕ ನೋವು ಕಾಣಿಸಿಕೊಂಡಿದ್ದು ಬಾಣಂತಿ ಮೃತಪಟ್ಟಿದ್ದಾಗಿ ತಿಳಿದು ಬಂದಿದೆ.